E Diz Romano-Bizantino Sućidava

Kana nakhes andar e korabia, o tiknno foro-porto katar e Dunäre, ker tuqe vremǎ te dikhes o Komplekso arheoloʒiko Sućidava. Arakhesa kathe jekh andar ol maj laćhes inkerde diza antiko in situ andar e Oltenia. 

E diz romano-bizantino Sućidava si kronoloʒiko andar ol śelberśa III-VI palal o Hristos. O vazdipen astardilo p-e vremǎ le thagaresqi Gallienus, agorisardi p-e vremǎ le thagaresqi Aurelian (270-275 palal o Hristos). 

Jekhe thaneça strateʒiko, pe jekh ući terasa, haj thadel o Iskero  haj o Olto and-e Dunärǎ, o zorǎripen kontroliskerdǎs varesode śelberśa o nakhipen inkǎl o phuro fluvio haj sas jekh jekh śerutno rolo and-e romanizarǎ la provinćiaqi.

K-e Sućidava na dikhesa feri aćhilimata romanone epokaqe paluni. Ol rodimata phuvǎqe phende ke ande kadaja but phuri vastra beśenas savremǎ manuśa, astarindoj andar e epoka neolitiko. And-o muzeo kaj si k-o giripen and-o komplekso arheoloʒiko arakhesa bukǎ andar e kultura Vädastra (o milenio IV anglal o Hristos) haj o grupo kulturalo Ćelej (e dujto paś le mileniosqi III anglal o Hristos). 

E Sućidava del tut e korkorri okazia te phires andar ol nakhle berśa, ande savenθe avesa ingerdo katar o kher neolitiko k-o kher romano hypokaustoça haj k-e basilika paleobizantino. Ama o maj śukar than si ćaćes e xaning garadi la dizaqi.

Xarno istoriko rodinipen

E Sućidava sas jekh śerutno ćentro marimasqo haj ekonomiko le sućenqo, jekh tribo ʒeto-daćiko. Pala so e Daćia sas lini katar ol romanǎ, kaj si akana o kartieri Ćelej andar e Korabia kerdǎs pes jekh kastro, kaj kerdǎs kaj e Sucidava te barǒl. 

Kana sas o thagar Aurelian sas vazdini e jekhto diz brakhimasqi. Kadaja sas palemvazdinni andar o ordino le thagaresqo Konstantin o Baro (306-337 palal o Hristos). Sa atunći vazdinǎs pes vi o podo barresqo inkǎl e Dunärǎ.

E diz sas mukhli pala ol invazii avaro-slavo, k-o agor le śelberśesqo VI.

Barvalimata but kuć

O podo vazdino kana sas thagar o Konstantin o Baro sas puterdo and-o milaj le berśesqo 328 palal o Hristos. Kadava sas opral e Dunärǎ, phangloj e diz  romano-bizantino Sućidava katar o antiko Oescus (e lokalitatǎ Gigen andar e Bulgaria).

Sas lungo 2.437,5 metrojenθar, dikhlo sar jekh andar ol maj lungo podoja andar antikitatǎ. Ći inkerdilo but, feri ʒi k-o agor le śelberśesqo IV.

Akana, o portalo nordiko le podosqo si o maj miśto inkerdo.

---

Jekhune eksperience

Dikh e Xaning garadi, jekh monumento korkorruno and-e arhitektura romano-bizantino!

Sas kerdi and-o śelberś VI palal o Hristos, vaś-o kidipen paněsqo vaśe kodola kaj beśenas and-e diz. 

O puco la xaningaqo sas laćhardo ke 19 metroja, liindoj jekh andar ol xaningorrǎ katar ol punre le platoosqe. Kadava si pätrato haj si ućhardo jekha bolteça andar kärämida piramidalo. Ʒalas pes andre andar jekh koridori tal-e phuv, lungo 26 metrojenqo. 

Sakodova koridori ingerela tut si tut k-e xaning garadi.