Shartoqo an shartoqo pajipen

 

A. O Ministero le Kinimatenqo haj le Projektojenqo Europǎno andar e Romïnia, ministero savo si rig andar o Guverno la Romïniaqo.

 

O Ministero le Kinimatenqo haj le Projektojenqo Europǎno andar e Romïnia si jekh organismo guvernamentalo ofićialo, rig andar o Guverno la Romïniaqo, kaj si p-e Śos. Bukureśti-Ploieśti nr. 1-1B, Victoria Office, o Giripen Str. Menuetului 7, o Jekhto Sektoro, Bukureśti.

 

 

A.  TU – sar Vizitatori vaj Utilizatori amare Platformaqo; haj

 

B.  O Ministero le Kinimatenqo haj le Projektojenqo Europǎno andar e Romïnia (M.K.P.E.) – e zor savǎqi si haj kaj kerel buki la Platformaça.

 

 

A.  o akćeso haj/vaj o labǎripen la Plarformaqo; haj

 

B.  o akćeso haj o labǎripen pa sǎ so si la Platforma, vi sǎ so ʒal p-e Platforma.

 

 

A.  So si pe Platforma – si la o senso dikhlo k-e klauza 5.1 maj telal;

 

B.  So si le Utilizatores vaj Tut - si les o senso dikhlo k-e klauza 6.2 maj telal;

 

C.  Tu – phenas pa orso ʒeno fiziko, sar Vizitatori vaj Utilizatori, pala sar si labǎrdo o termeno;

 

D.  Ol Xakaja le Gogǎrimasqe - si orso xakaja gogǎrimasqe varekasqe, kadja sar si von phende orkaj and-e lumǎ, ama bi te aven numaj ol xakaja autorosqe, ol xakaja kaj maj aven palal, ol xakaja brevetosqe, ol xakaja markaqe, ol xakaja sui generis pa ol baze datenqe, orso xakaja pa ol konfiguracie software haj hardware, haj vi orso aver xakaja gogǎrimasqe (andre xramosarde vaj na) andar sǎ e lumǎ;

 

E.  M.K.P.E. vaj Noi – O Ministero le Kinimatenqo haj le Projektojenqo Europǎno andar e Romïnia si jekh organismo guvernamentalo ofićialo, rig andar o Guverno la Romïniaqo, kaj si p-e Śos. Bukureśti-Ploieśti nr. 1-1B, Victoria Office, o Giripen Str. Menuetului 7, o Jekhto Sektoro, Bukureśti.

O siteo ofićialo le ministerosqo haj ol date kontaktosqe arakhen pen  kathe. Orso bukǎ saven si len ol lava „amare”, „ame” vaj aver kasave trebul te aven xakǎrde sar dume pa o Ministero le Kinimatenqo haj le Projektojenqo Europǎno andar e Romïnia;

 

F.  Platforma – si jekh laćharipen software vaś o dinipen avri haj o vazdipen le Programosqo e Romïnia Śukar, savo śaj te avel arakhlo vi sar aplikacia mobilo (kaj les la de p-o Apple App Store haj Google Play Store), haj vi and-e varianta web (kaj si k-o  www.romania-atractiva.ro). Ande kadava lil, pand-o lav “Platforma” phenasa pa orsavi andar ol duj versiune, numaj atunći kana na phenas kadja, si aver;

 

G.  O Programo e Romïnia Śukar – si jekh projekto kerdo katar o M.K.P.E. vaś o vazdipen le turismosqo kulturalo haj o vazdipen le obiektivojenqo kulturalo andar e Romïnia kaj na-j kadja prinʒarde, p-o plano themutno haj maśkarthemutno. O Programo e Romïnia Śukar si rig andar o Plano Themutno le Laćharimasqo haj le Boldimasqo (PTLB). M.K.P.E. si o koordonatori kadale projektosqo, rig andar e Komponenta  11 – Turismo haj Kultura, o Jekhto Kinipen – O vazdipen le 12-e dromenqo turistiko/kulturalo, o Źalono 332 andar o Plano Themutno le Laćharimasqo haj le Boldimasqo (PTLB);

 

H. Ol termenǎ – si pa kadava lil;

 

I.  Utilizatori - si orso ʒeno fiziko savo del, phirel haj labǎrel e Platforma haj si andre xramosardo and-e Platforma pande jekh konto Utilizatoresqo, vov korkorro vaj and-o anav avre ʒenesqo fiziko vaj źuridiko;

 

J.  Vizitatori -si orso ʒeno fiziko savo del, phirel haj labǎrel e Platforma, bi te avel andre xramosardo pande jekh konto Utilizatoresqo, vov korkorro vaj and-o anav avre ʒenesqo fiziko vaj źuridiko.

 

1.  E PLATFORMA HAJ OL TERMENǍ LA PLATFORMAQE

 

1.1.  O skopo la Platformaqo. E Platforma si la skopo o vazdipen le turismosqo kulturalo haj o vazdipen le obiektivojenqo kulturalo pala sar si o Programo e Romïnia Śukar.

 

1.2.  O akordo te labǎres e Platforma

 

1.2.1.  Kadala Termenǎ si jekh akordo pand-o kontrakto maśkar tu haj o M.K.P.E pala ol kondicie akćesosqe haj labǎrimasqe le Platformaqe;

 

1.2.2.  Kana san jekh Vizitatori – e akćesarea haj o phiripen p-e Platforma si ke tu xakǎres haj san de akord savorre kadale Termenença;

 

1.2.3.  Kana san jekh Utilizatori - trebul te akćeptis kadala Termenǎ haj vi te phenen ke ʒanen pa e Politika le butǎke kerimasqi le datenqi ʒenutne, kana keren o konto Utilizatoresqo (pala e Sekciunǎ 3). Atunći sikavela pes tuqe so kerel o Utilizatori numaj kana akćeptis sǎ kadala regule. Aver felo, na avela tut o xakaj te phires vaj te labǎres e Platforma sar Utilizatori, ama daśtisa te phires pe laθe sar Vizitatori dinindoj pakiv okolaver regule andar kadala Termenǎ.

 

1.3.  O Paruvipen le Termenenqo la Platformaqe. M.K.P.E. lel pesqo xakaj te paruvel kadala Termenǎ orkana. Te paruvasa ol Termenǎ, thasa e versiunǎ nevi kadalenqi and-e Platforma, thasa e data „le agorutne nevǎrimasqi" sikavdi and-e rig oprutni kadale Termenenqi haj phenasa tuqe sar trebul:

 

1.3.1.  labǎrindoj kire date kontaktosqe sikavde kana kerdǎn o konto Utilizatoresqo haj/vaj ke dikhǒn and-e Platforma kana phires vaś e jekhtovar p-e Platforma pala o paruvipen le Termenenqo (kana san jekh Utilizatori), haj

 

1.3.2.  pand-o sikavipen and-e Platforma kana sas o jekhto phiripen p-e Platforma, pala so sas paruvde ol Termenǎ (kana san jekh Vizitatori).

 

1.4.  Sa kadja, rugis tut te dikhes kana haj kana kadala Termenǎ. Orso paruvipen kerela pes de kana sas thodi “o palutno nevǎripen” pala o art. 1.3.1-1.3.2 maj opral, haj o akćeso vaj o labǎripen maj dur le Platformaqo pala so ol Termenǎ sas nevǎrde avela sakadja sar kana ʒanes ke sas kerde paruvimata. 

 

1.5.  Trebul te des pakiv kadale Termenen kaj o M.K.P.E. te del tut akćeso k-e so si pe Platforma vaj te dikhes sǎ sar ʒal e Platfoma.

 

2.  SAR ƷAL E PLATFORMAI

 

2.1.  Kana ʒas pe Platforma, daśtis te dikhes ol droma, ol rekomandare haj ol evenimentoja vazdine katar o M.K.P.E haj ćhudine andre katar o M.K.P.E. and-o Programo e Romïnia Śukar, kadja sar kadala avena nevǎrde katar o M.K.P.E sar aven.

 

2.2.  Ol droma kaj si and-e Platforma daśtin te aven:

 

2.2.1.  xarne phenimata le dromenqe vaj le obiektivojenqe kulturalo-turistiko, bukǎ pa ol źudecoja kaj si kadala thode, vi sar dikhel pes jekh harta interaktivo kaś te dikhes sar si thode kadala;

 

2.2.2.  o śajutnipen te dikhes fiesavo obiektivo kulturalo-turistiko kaj si and-e jekh drom haj te dikhes maj but bukǎ pala jekh kasavo obiektivo;

 

2.2.3.  phenimata fiesave obiektivosqe kulturalo-turistiko haj, sar mangel pes, sikavimata kaj aśunen pen, kaj si ande jekh vaj maj but ćhibǎ (kadja sar avena thode katar o M.K.P.E, sar vov alosarel), vi date kontaktosqe, informacie pa sar ʒal pes haj biletoja, lokhǎrimata, fotografie, vaj, sar mangel pes, videourǎ vaj turoja virtualo sikavimasqe le obiektivosqe, kalifikativoja, rećenzie haj fotografie thode katar aver Utilizatorǎ pa o obiektivo kulturalo-turistiko, bukǎ pa aver cirdimata turistiko  kathar.

 

2.3.  Ol rekomandare kaj si  and-e Platforma daśtin te avel len informacie pa jekh vaj maj but droma andar e Platforma, jekh vaj maj but obiektivoja kulturalo-turistiko vaj evenimentoja, kadja sar kadala śaj te aven thode haj nevǎrde sar phenel o M.K.P.E. 

2.4.  Ol evenimentoja kaj si  and-e Platforma śaj te avel len vi informacie pala o organizatori, bukǎ pa o ges haj o ćeaso le evenimentojenqo haj vi aver informacie sar si sikavde le organizatoresθar kadja and-e Platforma.

 

2.5.  Bukǎ kaj śaj te aven kerde numaj katar ol Utilizatorǎ:

 

2.5.1.  o śajutnipen te rodes obiektivoja kulturalo-artistiko and-o than andar o konto le Utilizatoresqo;

 

2.5.2.  o śajutnipen te aćhen tuqe ol obiektivoja kulturalo-turistiko o maj śukar andar e sekciunǎ vaś o konto le Utilizatoresqo, haj vi te keres automato droma saven te aven len kadala obiektivoja and-e harta interaktivo kaj si vaś kadaja buki and-o konto le Utilizatoresqo;

 

2.5.3.  o śajutnipen te thod and-e Platforma kalifikatovoja, rećenzie haj fotografie le obiektivojenqe kulturalo-turistiko;

 

2.5.4. aver bukǎ sar avena kerde katar o M.K.P.E sode si o konto le Utilizatoresqo.

 

2.6.  M.K.P.E. daśtila te nevǎrel kadala bukǎ bi te kames tu.  E Sekciuna 9 kerel pes sar trebul pala kadala nevǎrimata.

 

3.  SAR KERES O KONTO LE UTILIZATORESQO

 

3.1.  Sar andre xramosares tut. Kaś te les sǎ ol bukǎ vaś ol Utilizatorǎ, trebul te azbas o butono kaj si pe lesθe „Andre xramosar tut" andar Amari Platforma.

 

3.2.  Kaś te keres tuqe o konto Utilizatoresqo, si tut o śajutnipen te andre xramosares tut haj te ʒas p-e Platforma pala so pheres jekh formularo vaś kadaja  buki, kaj trebul: 

 

3.2.1.  te thos o anav, o dujto anav haj kiri adresa e-mailosqi haj te alosares jekh parola;

 

3.2.2.  te ʒas kaj si kadala Termenǎ haj te des kothe ke ʒanes pa o bukǎqo keripen kire datenqo ʒenutne (pala sar si e Politika le bukǎqe kerimasqi le datenqi ʒenutne), haj te des p-ol bife kaj si and-o formularo; 

 

3.2.3. te azbas o butono "Ker konto".

 

3.3. Paruvimasθe, śaj te keres jekh konto Utilizatoresqo and-o formularo dino, jekhe kontoça purano savo si tumen ande jekh aver servićio le soćietetaqo informacionalo, sar si jekh konto Apple vaj Google.

 

3.4. Orso ʒeno fiziko śaj te kerel pesqe konto Utilizatoresqo and-e Platforma. Vaś maj but informacie pa sar keras buki kire datença ʒenutne rugiv tut te dikhes e Politika vaś o bukǎqe keripen le datenqo ʒenutne. 

 

3.5. Ol date thode trebul te aven pala ol informacie de akana, vorta haj saste kaj si kire. Na daśtis te keres jekh konto avre manuśenqe anaveça, numaj te ʒanena von. Kana phenel pes amenqe ke si labǎrde bićaćes informacie katar o titularo kadalenqo, phandasa o konto ʒi kana ʒanasa vorta sar sas e situacia. 

 

3.6. O arakhipen le kontosqo le Utilizatoresqo. Kana keren tumenqe haj/vaj labǎren o konto le Utilizatoresqo, trebul te arakhen les kadja:

 

3.6.1. te alosaren jekh parola zorali, kana andre xramosaren tumen;

 

3.6.2. te inkeren haj te nevǎren ćaćes kire informacie andar o konto le Utilizatoresqo;

 

3.6.3. te arakhen ol date le kontosqe le Utilizatoresqe haj o akćeso tumare kontosθe;

 

3.6.4. kana ʒanen vaj ʒanena ke si labǎrdi tumari parola bi te ʒanen sar, ol date le kontosqe le Utilizatoresqo, trebul te phenen p-o than karing o M.K.P.E. 

 

3.7. Ol kontoja andre xramosarde pand-ol „robocǎ” vaj aver felo na-j mukhle haj avena khosle bi te phenel pes maj anglal, sar arakhen pen katar o M.K.P.E.

 

3.8. Na mukhel pes o labǎripen le kontosqo le Utilizatoresqo maj bute ʒenenθar, ʒi kana na xramosares kadaja buki karing o M.K.P.E. 

 

3.9. Te avela vareso buki ke si jekh labǎripen bićaćo vaj ʒanen pa orso labǎripen bićaćo le Kontosqo vaj orso rigaθe kadalesqi le arakhimasqi, trebul te phenen p-o than k-e adresa le e-mailosqi sikavdi and-e sekciunea 10.6 maj telal. O M.K.P.E. na-j dośalo vaś nićijekh naśavipen vaj nasulipen ke tu na dinǎn pakiv le obligacienqe le arakhimasqe sikavde ande kadala Termenǎ. 

 

 

4. E PLATFORMA SI BILOVENQI

 

4.1. O M.K.P.E na lel love vaś e Platforma. O akćeso haj o labǎripen la Platformaqo sar Vizitatori vaj Utilizatori si bilovenqo. 

 

4.2. Ol love kaś te ʒas k-ol obiektivoja haj k-ol evenimentoja. O akćeso varesave obiektivojenθe kulturalo-turistiko vaj evenimentoja thode and-e Platforma kerel pes sar phenel o administratori vaj o organizatori kadalenqo. Kadja, śaj ke ande aver thana trebul te des love, vorta kodole administratores vaj organizatores. Ande kadala situacie, ol love na-j thode katar o M.K.P.E., haj den pen k-o administratori le obiektivojenqo kulturalo-turistiko vaj ol oraganizatorǎ le evenimentojenqe.  

 

4.3. O M.K.P.E. thol ol informacie haj vazdel len pa ol obiektivoja kulturalo-turistiko haj k-ol evenimentoja, bi te kerel jekh kontrakto maśkar tu haj ol administratorǎ/organizatorǎ kadalenqe. 

 

4.4. O M.IKP.E. na mangela vaś pesqe haj nići vaś aver zora (deći, nići p-e seama le administratoresqi le obiektivojenqe haj nići ol organizatorǎ le evenimentojenqe) o pokinipen varesave lovenqo. Te pokines vaj aver kondicie kontraktualo kaś te ʒas, si thode katar fiesavo administratori vaj organizatori pala ol dispozicie krisaqe haj ol politike komerćialo kadalenqe.

 

 

5. OL XAKAJA GOGǍRIMASQE

 

5.1. Ol xakaja M.K.P.E. Numaj kana na-j phendo kadja, sǎ ol bukǎ la Platformaqe, sǎ so si la haj aver materiale kothar si numaj Amare (vaj, sar avel, Amare lićenciatorenθar) haj si arakhle katar ol Xakaja le Gogǎrimasqe kaj keren pen. Kaś te ʒanel pes vorta, ol intefece kaj dikhlǒn, o designo, o teksto, e grafica, ol imaʒine, ol sistemoja, ol informacie, ol date, ol metode, o kodo la Platformaqo, ol servićii, savorre okolaver bukǎ haj orsa xramosaripen vaj materialoja dine and-e Platforma („So si and-e Platforma”) si numaj Amare vaj amare lićenciatorenqe haj si arakhle pande xakaja autorosqe, marke xramosarde, garavimata komerćialo haj orso aver Xakaja Gogǎrimasqe. 

 

5.2. Kire xakaja. Śaj te labǎren e Platforma haj so si la sǎ phendo k-e Sekciunea 1 ande kadala Termenǎ. Kadja, na-j slobodo:

 

5.2.1. te labǎrel pes e Platforma vaj so si pe laθe, avrǎl o skopo sikavdo and-e Sekciunea 1, numaj kana mukhel pes vorta vaj si jekh xramosaripen lino maj d-anglal katar o M.K.P.E.;

 

5.2.2. te labǎren pen algoritmǎ, robocǎ vaj aver kasave metode te kidel pes vaj te lel pes so si pe Platforma;

 

5.2.3. o dinipen vaj o paruvipen orso formaqo, e lićencierea, e telal-lićencierea, o pokinipen laqo, te les la vaś jekh vremǎ, te des la maj dur vaj te labǎres la skpoça komerćialo sǎ so si and-e Platforma, numaj kana mukhel pes vorta vaj si jekh xramosaripen lino maj d-anglal katar o M.K.P.E.

 

5.2.4. e kopierea, e dekompilarea vaj o zumavipen te arakhes o kodo-sursa le Platformaqo vaj so si p-e Platforma, numaj kana mukhel pes vorta vaj si jekh xramosaripen lino maj d-anglal katar o M.K.P.E.;

 

5.2.5. o inkalipen, o paruvipen vaj o garavipen orsave xakajenqo autorosqe, marke xramosarde vaj aver bukǎ pa ol Xakaja Gogǎrimasqe thode and-e Platforma vaj and-e so si pe laθe;

 

5.2.6. o dinipen xakajenqo opral o Koncinuto le Platformaqo jekhe avre ʒenesqe pande jekh konto Utilizatoresqo, bi te les maj anglal kadala xakaja katar o M.K.P.E.;

 

5.3. Vaś ke o Koncinuto le Platformaqo si sǎ Amaro haj keras buki leça haj si arakhlo le Xakajenθar Gogǎrimasqe, das tumen jekh xakaj te dikehn so si pe Platforma numaj te avela phendo and-ol Termenǎ. 

 

5.4. So na-j slobodo. Orso labǎripen le Platformaqo vaj so si pe laθe, numaj kodoja kaj si la zor ande kadala Termenǎ, bi te phenel vorta haj maj anglal xramosardo o M.K.P.E.., na-j mukhlo. Jekh kasavo bićaćutno labǎripen śaj te uśtǎvel ol krisa haj vi kodola vaś ol Xakaja Gogǎrimasqe. Numaj kana si phendo katar o M.K.P.E ande kadala Termenǎ vaj ande aver thana kontraktualo maśkar o M.K.P.E haj tu, khanći andar kadala Termenǎ na-j dikhlo sar vareso te del lićenca vaś ol Xakaja Gogǎrimasqe le M.K.P.E. 

 

5.5. Kana na-j jekh kontrakto vorta xramosardo maj anglal katar o M.K.P.E., na daśtis te paruven, te rimosaren vaj te keren orso p-e baza so si and-e Platforma vaj orso rig kadalaqi. 

 

 

6. REGULE PHIRAVIMASQE AND-E PLATFORMA

 

6.1. Numaj tu san responsabilo vaś kiro phiravipen kana phires pe Platforma. Tume sen de akord te labǎren e Platforma numaj te avena kadala bukǎ and-ol Termenǎ haj krisença kaj keren pen. Tume sen de akord ke na mukhena avre manuśen te phiren, bi te keren maj but desar kadala bukǎ:

 

6.1.1. te labǎren e Platforma skopoça kontra la leʒǎqi vaj kaj na-j slobodo, vaj te aven ćhute, te zorǎren haj te vazden orso buki kaj si kontra la leʒǎqi vaj kaj uśtǎven ol Termenǎ vaj orso aver regule haj pokitići kerde amenθar haj kaj sikavas len tuqe maj anglal;

 

6.1.2. te labǎren e Platforma kaś te uśtǎven ol xakaja pa e kris haj ol interesoja pa e kris avre manuśenqe;

 

6.1.3. o ćhudipen avri orso bukǎnqo pala ol Xakaja Gogǎrimasqe andar e Platforma vaj andar orso rig kadalenqi, ke kames vaj na;

 

6.1.4. te labǎres jekh roboto, jekh algoritmo vaj aver bukǎ automatizime vaj interfaca kaj na-j dine Amenθar, save daśtin te rimosaren sar ʒal e Platforma vaj te inkalen date;

 

6.1.5. te sikaves phandlimata maśkar tu haj Ame, numaj kana si vareso xramosardo maśkar Amenθe haj kerel jekh kasavo phandlipen;

 

6.1.6. o liipen, o bićhalipen, o dinipen maj dur orso bukǎqo le Utilizatoresqi savo daśtil te avel xakǎrdo aver felo jekhe manuśesθar saves si les kodova Koncinuto le Utilizatoresqo sar nasul, kontra e leʒǎ, melales, kaj lel pes varekasθar vaj kaj na-j mukhlo;

 

6.1.7. te des maj dur bukǎ nasul sar si na numaj virusoja, fiśieroja nasul, rimome, kana ʒas pe Platforma;

 

6.1.8. te phenes ke san aver manuś, orsar (sar si te les jekh adresa e-mailosqi, anav, bićaćo anav vaj aver buki kaj na-j kiri);

 

6.1.9. te phires pe Platforma skopoça komerćialo bićaćo, kaj na-j phendo maj anglal, vorta haj xramosardo katar o M.K.P.E..;

 

6.1.10. te ʒas haj te labǎres e Platforma kaś te keres vareso orsaveça andar Amare servićii kaj si thode pe Platforma, haj te keres jekh platforma sar kadaja vaj kaj miazel la Platformaça, kaj na-j phendo maj anglal, vorta haj xramosardo katar o M.K.P.E..

E.

 

 

6.2. Te thos Koncinuto sar Utilizatori. Numaj tu san responsabilo vaś sǎ so keres vaj bićhales pe Platforma(„Koncinuto le Utilizatoresqo” vaj “Kiro Koncinuto”). Kana ʒanes kadaja buki, san de akord te na keres, te bićhales haj/vi te des maj dur and-e Platforma nijekh Koncinuto le Utilizatoresqo savo:

 

6.2.1. si kontra la leʒǎqi vaj kerel, vazdel vaj del informacie pa sar te keren pen bukǎ kontra la leʒǎqi haj kaj uśtǎven ol xakaja orso manuśesqe, uśtǎven orso leʒǎ thmutni vaj maśkarthemutni vaj keren orsar vareso nasul vaj kaj dukhavel;

 

6.2.2. si laʒaimasqo, biuźo, melalo, pornografiko, seksualo, bango, marsime, kaj dikhǒl, violento, kaj lel pes tuθar, but źungalo, kaj phenel ke avela vareso tuça, kaj kuśel tut, kaj prasal tut, del tut rigaθe, ori musarel kiro ʒenutnipen vaj ol xakaja te keres publićitate, si kerdo banges, kaj xoxavel vaj ande aver felo kaj na-i slobodo vaś jekh aver manuś;

 

6.2.3. si kerdo kaś te mukhel jekhe Utilizatores te phenel ke si aver manuś vaj kerel pes phandlipen tuça banges, vaj jekh kasavi buki;

 

6.2.4. uśtǎvel vaj śaj te uśtǎvel jekh Xakaj Gogǎrimasqo;

 

6.2.5. si les orso deklaracie, vaj phenimata save na-j sar dikhǒl ande kiro pakǎipen pa e Platforma;

 

6.2.6. si kerdo te xoxavel aver Vizitatorǎ haj/vaj Utilizatorǎ.

 

6.3. Orso keres oriʒinalo haj thos pe Platforma sar Utilizatori haj o pakiv le Xakajenqo Gogǎrimasqe okolavrenqe si numaj kiri buki. Kadja: 

 

6.3.1. O M.K.P.E. na trebul nićijekhvar te dikhel kana si oriʒinalo vaj kana del pes pakiv k-ol Xakaja Gogǎrimasqe avrenqe pala so tut si tu kothe. 

 

6.3.2. Kana jekh aver manuś phenel ke sas uśtǎvde lesqe Xakaja Gogǎrimasqe, o M.K.P.E. si les o xakaj (haj vi e obligacia) te mangel tuθar sikavimata haj trebula te khoses kodoja rig savi uśtǎvel ol Xakaja Gogǎrimasqe avre manuśenqe, ande 30 gesa de kana phenel tuqe o M.K.P.E; kadava xakaj na anel xarnimata k-ol art. 3.5 haj 3.7 andar kadala Termenǎ..

 

6.3.3. Kana na del pes nijekh sikavipen vaj na-j dosta so sikavel pes karing o M.K.P.E, khoslǒla kodoja buki ʒi kana desa jekh dećicia jekh zorǎqe savi daśitl te sikavel ke na-s nijekh uśtǎvipen. 

 

 

7. DINIPEN ANGLAL& POKINIPEN

 

7.1. Te phenela pes tuqe ke tu haj/vaj so si tut uśtǎvel ol krisa vaj ol xakaja autorosqe avre manuśenqe, pakǎs ke so si tut haj kiro phiravipen (andral haj avrǎl e Platforma) si kontra la leʒǎqi haj na-j mukhlo, khosas so si tut (sar avela, te pakǎla pes ke uśtǎvel ol Xakaja Gogǎrimasqe vaj ol regule le bukǎqe le datenqe ʒenutne vaj si vareso kontra la leʒǎqi).

 

7.2. Sen de akord te arakhen haj te pokinen o M.K.P.E haj orkas andar ol manuśa, ol butǎrne, ol aʒencie vaś e publićitatea, ol lićenciatorǎ, ol furnizorǎ vaj penqe manuśa kontra orso kreance, nasulimata, pokinimata, amenzi, phenimata, datorie, naśavimata, love orso felosqe, ol takse haj sǎ so si vaś ol avokacǎ save aven vaj si phandle katar:

 

7.2.1. so kerdǎn tu;

 

7.2.2. kiro labǎripen la platformaqo;

 

7.2.3. o uśtǎvipen kadale Termnenqo haj/vi

 

7.2.4. o uśtǎvipen orso xakajenqo avre manuśenqo.

 

7.3.  Si te pokines vi kana agorde pen kadala Termenǎ haj sode labǎres e Platforma, sode si pala e kris.

 

 

8. DEKLARACIE HAJ XARNǍRIMATA DINIMASQE ANGLAL

 

8.1. O paruvipen la Platformaqo. E Platforma si numaj le M.K.P.E. O M.K.P.E daśtil te paruvel haj te nevǎrel sǎ and-e Platforma pa sar kamel, bi te phenel maj anglal haj/vaj te kamen vi ol Vizitatorǎ/Utilizatorǎ. Kadaja insemnol ke o M.K.P.E daśtil te ćhel, te inkalel vaj te paruvel so si ande Platforma haj laqe śajutnimata orkana bi te phenel maj anglal haj/vaj te kamen vi ol Vizitatorǎ/Utilizatorǎ, avrǎl kodola katar e Sekciunea 1. Ol Vizitatorǎ/Utilizatorǎ na daśtin te mangen vaj te len love vaś ol paruvimata vaj ol nevǎrimata kerde katar o M.K.P.E, sode si de akord te labǎren maj dur e Platforma paruvdi (kana o paruvipen la Platformaqo kerel vi nevǎrimate le Termenenqe).

 

8.2. O xarnǎripen le dinimasqe anglal. Nićijekhvar o M.K.P.E vaj aver partenerǎ vaj furnizorǎ na avena cirdine te pokinen nasulimata ke na gelǎs miśto, pala o  art. 8.1 maj opre vaj ke na-s kasave karakteristići.

 

8.3. Xakǎren haj sen de akord ke numaj tume sen responsabilo vaś sǎ so keren and-o Konto le Utilizatoresqo haj pala e kris len vi ol pharimata te avela akćeso pala e kris vaj na tumare Kontosθe Utilizatoresqo.

 

8.4. Sa kadja, daśtis te khosas, te aćhavas, te das rigaθe jekh felo Koncinutosqo le Platformaqo vaj Koncinuto Utilizatoresqo kana dikhas ke kadava uśtǎvel ol Termenǎ. 

 

8.5. Na sam ame responsabilo vaś o nasul phiripen le Platformaqo, kana kadava si kerdo jekhe marimaθar, jekh nasulipen naturalo, kana na-j dud, na-j interneto vaj telekomunikacie vaj ćhinimata guvernamentalo vaj orso aver felo sar si and-ol Termenǎ.  

 

8.6. Sen de akord ke, and-e maj bari masura leʒǎqi kaj kerel pes, o M.K.P.E na avela dośalo nići angla tuθe niśi angla avre manuśesθe vaś ol pharimata vorto vaj ke xasares love (vorta vaj na), ke xasares e reputacia kire afaćerǎqi, sode si ol bukǎ vaj aver servićii, savorre kadala kerde andar e Platforma, ke si jekh dinipen anglal kontraktualo vaj bango. 

 

8.7. Siteoja avrutne. Kana phiren vaj labǎren amari Platforma, arakhen link-oja karing aver platforme web saven na inkeras len ame. Na sam responsabilo vaś so si pe lenθe vaj orso aver buki kadale avrutne platformenθe, vi o kidipen infomacienqo pa tuθe. Trebul te drabares ol termenǎ haj ol kondicie haj ol politići sar kerel pes buki le dateença ʒenutne pe kodola platforme web.

 

 

9. SODE INKEREL, O AĆHAVIPEN VAJ O KHOSIPEN

 

9.1. Kana andre xramosaren tumenqe jekh Konto Utilizatoresqe, kadala Termenǎ si musaj te inkeren len sode si tumen jekh Konto Utilizatoresqo kaj ʒal. 

 

9.2. Vi kadja, o aćhavipen le Termenenqo orsar phendem kathe, na paruvela ol obligacie maśkar tuθe haj o M.K.P.E, haj nići ol obligacie kaj avena pala si des o akordo lino kadale Termenença. 

 

9.3. Daśtin te aćhaven kadala Termenǎ kana khosen o konto le Utilizatoresqo.

 

9.4. Kana uśtǎven kadala Termenǎ, ame aćhavas vaj na maj mukhas tut p-e Platforma, te ʒanas numaj Ame, p-o than haj bi te phenas tuqe, haj te khosas o Konto le Utilizatoresqo ʒi kana laćharela pes o uśtǎvipen (te daśtil te kerel pes jekh laćharipen). Kadja, phenas tuqe so kerdǎm ame. 

 

9.5. Sa kadja, daśtis te khosas, te aćhavas, te blokis maj but feloja Koncinutosqe le Platformaqo haj/vaj Koncinuto Utilizatoresqo, vi kana uśtǎvel kadala Termenǎ.

 

9.6. Ol Utilizatorǎ daśtin te khosen ol Kontoja le Utilizatorenqe haj, kadja, sǎ so si len p-o konto avela khoslo. Vi kadja, śaj te inkeras varesode informacie pala sar phenel amari politika le bukǎqe kerimasqi le datença ʒenutne kaj arakhel pes kathe: legals.romaniaatractiva.ro/politica-de-confidentialitate.

 

 

10. AVER KLAUZE

 

10.1. O dinipen. O M.K.P.E. daśtil te del kadala Termenǎ haj/vaj orso vaj sǎ pesqe xakaja vaj te thol varekas te lel lesqe obligacie pala kadala Termenǎ bi te kamel vov.  

 

10.2. Savorre dispozicie andar kadala Termenǎ buxlǒn haj avena musaj te aven kerde katar ol manuśa save aven haj ol ćesionarǎ le M.K.P.E. Na daśtis te mukhes kadala Termenǎ vaj orsavo andar kire xakaja andar kadala Termenǎ vaj orso xakaja haj/vaj obligacie save aven andar kadala Termenǎ jekhe avre manuśesqe vaj zoraqe, bi te phenel pes maj anglal, xramosardo vorta katar o M.K.P.E. 

 

10.3. E Independenca le Klauzenqi. Kana orso dikhipen kadale Termenenqo si kerdo bileʒǎqo, nulo vaj kaj na śaj te avel kerdi, atunći kodoja avela independento kadale Termenenθar haj na dukhavela o keripen okolavre dispozicienqo. 

 

10.4. Te na mukhel pes le xakajenθar. Ame phenas kana inkeras kadala Termenǎ. Kana na keras kadaja buki, kadava na-j jekh mukhipen amare xakajesθe te inkereas kadala Termenǎ.  

 

10.5. E kris kerdi haj e źurisdikcia. Kadala termenǎ śaj te aven xulavde haj xakǎrde pala e leʒislacia la Romaniaqi. Orso ćingar kaj avel andar vaj si pa kadala Termenǎ avela vaś ol instance andar e Romania 

 

10.6. Notifikare. Orso notifikarǎ vaj aver vakeripen avela kerdo:

 

10.6.1. Karing o M.K.P.E.:

 

·   xramosardo pand-o lil dino liimaça k-e adresa andar o astaripen kadale Termenenqo, vaj

 

·   k-e adresa e-mailosqi contact@romania-atractiva.ro;

 

10.6.2. karing tuθe k-e adresa e-mailosqi kire kontosqi le Utilizatoresqo.